Den norske og skandinaviske tingsretten er prega av eit sett med teoretiske grunnpostulat. Det finst ei lære om eigedomsretten som eit såkalla koplingsord, ei lære om eit funksjonelt rettigheitsomgrep, og mange påstandar om sondringa, eller mangelen på sondring, mellom tinglege og obligatoriske rettar. Denne boka tek opp desse lærene til gransking. Kva går dei ut på? Er dei forståelege og haldbare? Boka stiller seg spørjande og kritisk til mykje av det som fram til no har vore god latin i tingsretten. Som eit konstruktivt bidrag formulerer boka dernest ein teori om eigedomsrettens overgang ved kjøp og sal. Dette emnet har i lang tid vore lite teoretisert i rettslitteraturen.Boka er relevant for alle som interesserer seg for tingsrett spesielt og for rettsvitskap generelt. Boka gir også underlag og støtte for løysing av ei rekkje praktiske rettsbruksspørsmål.
... og skandinaviske tingsretten er prega av eit sett med teoretiske grunnpostulat. Det finst ei lære om eigedomsretten som eit såkalla koplingsord, ei lære om eit funksjonelt rettigheitsomgrep, og mange påstandar om sondringa, eller mangelen på sondring, mellom tinglege og obligatoriske rettar. Denne boka tek opp desse lærene til gransking. Kva går dei ut på? Er dei forståelege og haldbare? Boka stiller seg spørjande og kritisk til mykje av det som fram til no har vore god latin i tingsretten. Som eit konstruktivt bidrag formulerer boka dernest ein teori om eigedomsrettens overgang ved kjøp og sal. 1.2 Sedvanlege synsmåtar (a) «Koplingsord» Den som i dei skandinaviske rettssystema arbeider på tingsrettens område, vil ganske sikkert møta ein teori om såkalla «koplingsord».3 Teorien kan hevdast å vera ein viktig del av våre implisitte, juridiske grunnpostulat.4 Teorien vert særleg forankra hos den danske juristen og filosofen Alf Ross (1899-1979), med den vidkjende a...